Ырчы Асел Кадырбекова катышкан жол кырсыгы. Ооруканада жаткан айдоочу убактылуу кармоочу жайга киргизилди

Ырчы Асел Кадырбекова 26-июнда Бишкек шаарында жол кырсыгына кабылган. Эки унаанын кагылышуусунан 3 адам жаракат алган. Жол кырсыгын жараткан деп шектелген жаран ооруканадан Бишкек ШИИББинин убактылуу кармоочу жайына которулду. Бул тууралуу шаардык милициядан SUPER.KG порталына билдиришти.

Шектелген жаранга сотко чейинки териштирүү жүрүп жатат деп кошумчалайт басма сөз кызматы.

Окуянын чоо-жайы: Ырчы Асел Кадырбекова 26-июнда Бишкек шаарында жол кырсыгына кабылган. Эки унаанын кагылышуусунан 3 адам жаракат алган. Кырсык көчөгө орнотулган видео байкоого жазылып калган. Травматология жана ортопедия илим изилдөө борборуна жеткирилген ырчы кайра жандандыруу бөлүмүнө эс-учун билбеген абалда жаткырылган.

Бишкек ШИИББи кырсыктын чоо-жайы тууралуу айтып, жол кырсыгын жараткан деп шектелген жаранга карата Свердлов райондук соту тарабынан 1 айга СИЗО-1ге камакка алуу чечими чыкканын маалымдаган. Учурда ооруканада жаткан ырчы Асел Кадырбековага операция жасалган.