Ошто таанышын сабап өлтүрүп, жансыз денесин көпүрөнүн алдына таштап кеткенге шектүү жаран кармалды

15-июлда Ош шаарынын Туран кичи районунун Дача аймагындагы көпүрөнүн астынан киши колдуу болуп каза болгон Алай районунун 1964-жылы туулган Б.Т аттуу жарандын жансыз денеси табылган. Ыкчам изилдөө иш-чараларынын алкагында бул окуяга шектүү делинип Кара-Кулжа районунун 1988-жылы туулган тургуну Ш.Т кармалды. Бул тууралуу Ош ШИИБинин басма сөз кызматынан билдиришти.

Шектүүнүн берген көрсөтмөсүнө караганда маркум менен экөө көп жылдардан бери тааныш болуп, бирге жакындарынын кызматын жасашып, жан багып келишкен. Окуя болгон күнү экөө жолугушуп, суу боюнда алкаголдук ичимдик ичип отурушуп, өз ара кайым айтышып кетишкен. Айтышуу күчөп, мушташка айланып, натыйжада Ш.Т маркумду ур-тепкиге алып, алсыз абалда таштап кеткен. Маркум окуя болгон жерде жан берген.

Бул кылмыш иши боюнча тергөө амалдары башталып, шектүү делинген жаран Ош ШИИБнин убактылуу кармоочу жайына киргизилди.