Бишкектеги стационарларга жалпы 47 миңден ашуун тургун медициналык жардам алуу үчүн кайрылган

Бүгүнкү күнгө карата Бишкектеги күндүзгү жана түнкү стационарларга жалпы 47 миңден ашуун жаран медициналык жардам алуу үчүн кайрылган. Ал эми акыркы суткада күндүзгү стационарларга 5 миңдей бейтап кайрылган дешти Бишкек шаардык мэриясынын маалымат кызматынан.

Борбор калаа боюнча 45 миң 403 жаран стационарларга кайрылып, анын ичинен 23 миң 722 бейтабына ийне жана тамчылатып ийне саюу кызматы көрсөтүлүп, 12 миң 425 жаранга дарыгерлердин кеңеши берилген. Ал эми 246 бейтап ооруканаларга жаткырылган.

Түнкү стационарлар ачылган күндөн тартып, тагыраагы 4 күндөн бери 1 миң 759 жаранды кабыл алып, анын 10у ооруканага жаткырылды.

Жеке ишкерлердин жардамы менен стационарларга кычкылтек концентраторлор, пульсоксиметрлер менен камсыздалып, дарыканалар ачылгандыгы тууралуу мекеменин маалымат кызматынан билдиришти.

Белгилүү болгондой, өткөн суткада стацонарларга кайрылган бейтаптардын арасында каза болгондор катталган жок.