Москвадан Ошко келген дарыгерлердин чыгымын толугу менен "Исмаил Матраимов" фонду каржылады

Социалдык тармактын колдонуучулары "Исмаил Матраимов" фондуна Москвадан келген дарыгерлерди сый-урмат менен тосуп алганына ыраазычылык билдиришүүдө.

"Дарыгерлерди тосконуңар кыргыз элин оорудан тосконуңар. "Исмаил Матраимов" фонду Москвадан келген дарыгерлерди сый-урмат менен тосуп алышты. Азаматтар! Фонд илдет менен күрөшүүдө өзүнүн кайрымдуулук иштерин улантууда.

Райымбек Матраимовдун демилгеси менен Москвадан келген медиктердин авиабилети, жатаканасы, тамак-ашы, айлык акысы боюнча чыгымдарын өз жоопкерчиликтерине алышты. Мекенчилдик сезими, жоомарттык мүнөзүнө ыраазыбыз", - деп жазган колдонуучулар.

Жогорку Кеңештин депутаты Марлен Маматалиев: "Буюрса Бишкек шаарында илдеттин таркашынын жогорку чегинен өтүп жаткансыйбыз. Региондорубузга ушул илдет жетпесин, бирок ал жактарда ар кандай ушуга окшогон даярдыктар көрүүсү абзел. Ыктыярчыларыбызга Аллах ыраазы болсун!" - деп жазган баракчасына.

Буга чейин Ош шаардык мэриясынан 15 медициналык дарыгер Москвадан учуп келишкенин билдиришкен.

5-июлда Жогорку Кеңештин депутаты Искендер Матраимов: "Райымбек Матраимовдун командасы Бишкекте жана Ошто стационардык ооруканаларды ачуу менен алек болуп жатат", - деп билдирген. Ошол күндөн тарта фонд тарабынан ачылган стационарлар керектүү дары-дармектер жана медициналык шаймандар менен каржыланууда.