86 жылдан кийин жума намазы окулат. Түркиянын президенти Режеп Тайип Эрдоган музейден мечитке айланган Айя-Софияга барды

Түркиянын президенти Режеп Тайип Эрдоган музейден мечитке айланган Айя-Софияга барды. Андан тартылган сүрөттөр мамлекет башчысынын социалдык тармактагы баракчасына жарыяланды.

Стамбулдагы Айя-София музейин мечитке айлантуу боюнча чечим 1934-жылы министрлер жыйынында кабыл алынган Айя-София мечитин музейге айлантуу тууралуу чечимди жокко чыгарган соң кабыл алынган. Мындай чечимди аталган өлкөнүн президенти Режеп Тайип Эрдоган 10-июлда кабыл алган.

Айя-Софияны Түркиянын негиздөөчүсү Мустафа Кемал Ататүрк 1935-жылы мечитти музейге айландырган. Музей 1985-жылы ЮНЕСКОнун дүйнөлүк мурастар тизмесине киргизилген.

86 жылдан кийин мечитке айлана турган Айя-София кийинки аптанын 24-июль күнү жума намазга эшигин ачат. Мечитке төшөлө турган килемдин үстүнөн Манисада күн-түнгө карабай иш жүрүп жатат.

Маалымат үчүн: Ыйык София собору Византиянын "алтын доорунун" символу болуп саналат. Курулуш иштери 532-537-жылдар аралыгында жүргөн. Ал мезгилде собор Константинополь шаарынын борборунан жана императордун хан сарайынын жанынан орун алып турган. 1453-жылы шаарды османдар басып алган соң, собор мечитке айланган.