Бишкекке Екатеринбургдан 188 Кыргыз жараны кайтып келди

Бишкекке Екатеринбургдан 188 Кыргыз жараны кайтып келди. Маалыматты Тышкы иштер министрлигинин басма сөз кызматынан бүгүн, 21-июлда кабарлашты.

Чартердик каттам менен өлкөгө Екатеринбург, Челябинск, Тюмен, Сургут, Жаңы Уренгой, Салехард, Курган, Ноябрьск жана Пермиден кайтууга өзгөчө муктаж болгон жарандар келишти (ар кандай оорусу бар, ден соолугунун мүмкүнчүлүгү чектелген адамдар, улгайган курактагылар, кош бойлуу жана жаш балалуу аялдар, ошондой эле турмуштун оор сыноосунда калган жарандар).

:Жүргүнчүлөрдүн тизмеси Урал федералдык округунун региондорунан жана шаарларынан келген жарандардын, кыргыз диаспора уюмдарынан келип түшкөн кайрылууларын эске алуу менен түзүлгөн. Ошондой эле көрсөтүлгөн категориядагы жактарда "Авиатрафик" компаниясынын каттамдарына мурда сатып алган авиабилеттердин болушу эске алынган, алар эпидемиологиялык жагдайдан улам ишке ашырылбай калган.

Чет мамлекетте жүргөн жана мекенине кайтып келүүнү каалаган Кыргыз жарандарын кайтаруу боюнча иштер уланууда.