Өлкөгө жакынкы күндөрү тоннасы менен медициналык каражаттар, зарыл болгон дарылар алып келинет. Тизме
Буга чейин өлкөдө дары каражаттарына болгон суроо-талап жогору болуп, ажиотаж жаралган. Учурда бизде дары-дармектердин, тагыраагы антибиотиктердин жетишсиздиги жок дейт премьер-министр Кубатбек Боронов.
"Өлкөгө зарыл болгон дары-дармектер алып келинет, тизмеде 59 препарат бар. 17-июлда Беларустан 5 тонна дары-дармек алып келинген.
21-июлдан тартып Саламаттык сактоо министрлиги тарабынан сатылып алынган Шанхай-Бишкек каттамы менен 42 миң 920 даана Эноксапариндин партиясы жана Надропариндин 33 миң даана партиясы келет. Ал эми жакынкы күндөрү Индиядан 8 тонна дары каражаты жана айдын аягында 25 миң таңгак Гепарин, 10 миң таңгак Цефепим, 36 миң таңгак Цетазидим келери күтүлүп жатат. Августун башында 30 миң таңгак Цефепим, 75 миң таңгак гепарин дарылары келет”, - деди Боронов.
Анын айтымында 25-июлга чейин такталган маалымат боюнча фармацевтикалык субъекттер тарабынан төмөнкү препараттардын келүүсү күтүлүп жатат:
Фраксипарин (нандропарин) 1000 таӊгак;
Эноксапарин 8954 таӊгак;
Гепарин 13000 таӊгак;
Ривароксабан 500 таӊгак;
Ар кандай топтогу антибиотиктер 46250 таӊгак;
Пропофол 2500 таӊгак;
Суксаметоний 6000 таӊгак;
Парацетамол 100 000 таӊгак;
Аскорбинка 200 000 таӊгак.
25-июлга чейин ошондой эле антибиотиктердин 26 990 таӊгагы келет.




1 |