Президент дене тарбия жана спорт чөйрөсүндө ченемдик-укуктук базаны өркүндөтүүгѳ багытталган мыйзамына кол койду

Президент Сооронбай Жээнбеков "Дене тарбия жана спорт жѳнүндѳ" мыйзамына ѳзгѳртүүлѳрдү киргизүү тууралуу” мыйзамына кол койду. Бул тууралуу президенттик аппараттын басма сөз кызматынан билдиришти.

Мыйзам Жогорку Кеңеш тарабынан 2020-жылдын 10-июнунда кабыл алынган.

Аталган мыйзам спортто тыюу салынган ыкмаларды жана субстанцияларды колдонууга жол бербөө менен спортчулардын таза атаандаштыкка негиз салуучу укуктарын коргоо жана дене тарбия менен спорт чөйрөсүндөгү ыйгарым укуктуу органдын ишиндеги коррупциялык тобокелдиктерди азайтуу максатында кабыл алынган.

Мыйзам спортто Допинг менен күрөшүү жөнүндө эл аралык конвенциянын алкагында алынган милдеттенмелерди аткаруу, дене тарбия жана спорт боюнча ыйгарым укуктуу органдын Кыргыз Республикасынын Коопсуздук кеңеши тарабынан жактырылган толук планын ишке ашыруу, ошондой эле дене тарбия жана спорт чөйрөсүндө ченемдик-укуктук базаны өркүндөтүүгѳ багытталган.