Вашингтондо бет капсыз көчөгө чыгууга тыюу салынды

АКШнын борбор шаары Вашингтондо эпидемияга каршы чаралар күчөтүлдү. Мындан ары шаар тургундарына көчөгө бет капсыз чыгууга тыюу салынды. Бул тууралуу чет элдик басылмалар жазып чыкты.

АКШда эпидемия башталгандан бери 4 миллион адам коронавирус жуктуруп, дээрлик 143 миң адам көз жумду. Ал эми 23-июлга карата дүйнө жүзүндө 15 миллион 300 миңден ашык адам коронавирус жуктуруп алгандыгы аныкталды. Алардын ичинен 9 миллион 300 миңден ашык адам айыгып, аталган оорунун кесепетинен 625 миңден ашык адам көз жумганы белгилүү болду.