Пандемияда интернет оюндарына суроо-талап жогорулады

Ушул жылдын экинчи чейрегинде, тагыраагы карантин учурунда орусиялыктардын оюн рыногунда өзгөчө кызыгуу пайда болду. Бул тууралуу чет элдик басылмалар жазып чыгышты.

Маалыматка ылайык, ушул жылы виртуалдуу оюндарга болгон суроо-талап өткөн жылга салыштырмалуу 30 пайызга жогорулады. Ошондой эле аналитиктер "Аксессуарлар" категориясындагы товарларга дагы суроо-талаптын 40 пайызга жогорулагандыгын белгилешти.

Аксессуарлардын ичинен PlayStation консолдору үчүн Dualshock 4 Gamepad эң популярдуу деп аталган. PlayStation виртуалдык эсебинин толуктоо карталары дагы рейтингде жогорку орундарды ээледи.

Адистердин айтымында, колдонуучулар оюндарды интернеттен сатып алууну чечишүүдө. "Чындыгында, обочолонуу апрель-сентябрь арасында тарыхый жактан төмөн болгон оюн рыногун жандандырды", - дешет талдоочулар.

Март айында аналитиктер COVID-19 инфекциясынын жайылуусу учурунда оюн кызматтарына жана интернет-кинотеатрларга жазылууга суроо-талаптын көбөйгөнүн байкашкан болчу.