Судья Айбек Эрнис уулу судьялык кызматтан бошотулду

Судьялар кеңеши тарабынан президент Сооронбай Жээнбековдун атына ыйгарым укуктарынын мөөнөтү аяктагандыгына байланыштуу жергиликтүү соттордун бир катар судьяларын кызмат орундарынан бошотуу тууралуу сунуштар киргизилген.

Конституциянын ченемдерине жана мыйзамдарына ылайык, мамлекет башчысы тиешелүү жарлыктарга кол койду.

Биринчи жарлыкка ылайык, Октябрь райондук сотунун төмөндөгү судьяларынын ыйгарым укуктары токтотулду жана алар жергиликтүү соттун судьясы кызмат орундарынан бошотулду. Алар: Абакиров Кайсын Кадырович, Алиев Авчи Мустафаевич, Сариев Аманбек Орозунбекович.

Экинчи жарлыкка ылайык, Биринчи Май райондук сотунун судьясы Айбек Эрнис уулунун ыйгарым укуктары токтотулду. Ал Кыргыз Республикасынын жергиликтүү сотунун судьясы кызмат ордунан бошотулду.

Жарлыктар кол коюлган күндөн тартып күчүнө кирет.