Бишкекке Түркиядан жана башка өлкөлөрдөн Кыргыз жарандары кайтып келди

Бүгүн, 29-июлда Бишкекке Түркиядан 323 Кыргыз жараны кайтып келди, алардын арасында балдар да бар. Бул тууралуу республикалык штабдан билдиришти.

Жарандар "Turkish Airlines" авиакомпаниясынын Стамбул-Бишкек-Стамбул багыты боюнча Кыргыз өлкөсүнө Түркиянын жарандарын, Түркиядан Кыргыз жарандарын алып чыгуу үчүн уюштурулган чартердик каттам менен келишти.

Түркия тарап эл аралык авиакаттамды жандандырышына жана чет өлкөлүк жарандардын келүүсүнө чектөөлөрдүн алып салышына байланыштуу транзиттик алмаштыруу жолу аркылуу Кыргыз өлкөсүнө бул каттам менен биздин жарандар АКШ, Канада, Эфиопия, Франция, Германия, Испания, Италия, Түндүк Кипр, Венгрия, Словакия, Грузия, Корея Республикасы, Украина, Чехия, Болгария, Марокко, Улуу Британия, Бельгия, Норвегия, Польша, Швециядан келишти.