Жолдошуңуздан бир кызыктай болгон кандай белек алгансыз? Ханзаада Уильям жубайына тартуу кылган белегин эстеп бети кызарды

Улуу Британиянын ханзаадасы Уильям жубайы Кейт Миддлтонго тартуу кылган белегин эстеп бети кызарды. Ал бул тууралуу BBC Radio Five Live радиосунун берүүсүнө катышып жатып айтып берген.

Алып баруучу менен баарлашуу учурунда ханзаада жубайы ушул күнгө чейин эсине түшүрүп турган белек тууралуу сөз козгогон. Бир кызыктай болгон белектин айынан ал убакта кыз-жигит болуп жүргөн жаштар мамилесин бузуп алууга аз калган. Буга улай алып баруучу да үч жыл бою удаасынан жубайына жамгырда кийүүчү жамынгыч бергенин эстеп күлгөн.

Уильям Кейт Миддлтон менен болгон алгачкы жолугушууларынын биринде ага дүрбү белек кылган. "Белек жаккан жок. Чынын айтсам, дүрбү алуу ою мага кандай келгенин деле билбейм. Алып жаткан учурда жакшы идеядай сезилген", - деген ханзаада.

Балким, сиз дагы жолдошуңуздан бир кызыктай болгон белек алган чыгарсыз? Комментарийде ой бөлүшө кетиңиз.