Кыргызгидромет COVID-19 илдетинен каза болгон 3 кызматкерин эскерди

Бүгүн, 30-июлда Улуттук аза күтүү күнүнө байланыштуу Кыргызгидромет агенттиги COVID-19 илдетинен каза болгон кызматкерлерин эскерди.

Иш-чаранын жүрүшүндө агенттиктин директору Бекилов Абдишарип Тажимаматович сөз сүйлөп, илдеттен каза болгондордун жакындарына терең кайгыруу менен көңүл айтып, бул илдет агенттиктин да кызматкерлеринин өмүрүн алганын белгиледи.

Каза болгондор:

Итибаев Зарылбек Сагындыкович - Кыргызгидрометтин мурдагы директору, 57 жашында дүйнөдөн мезгилсиз кайткан;

Иманбаев Анварбек Шадыканович - Өзгөчө кырдаалдар министрлигинин ардактуу кызматкери, Гидрометеорология боюнча агенттигинин Нарын гидрометеорология борборунун башчысы, 60 жашында дүйнөдөн мезгилсиз кайтты;

Илияс уулу Рысбек - Кыргызгидрометтин II баскычтагы Токмок метеорологиялык станциясынын башчысы, 59 жашында дүйнөдөн мезгилсиз кайтты.

"Каза болгон кызматкерлердин үй-бүлөлөрүнөн кабар алынды жана бир мүнөттүк эскерүү болуп, алардын арбагына багыштап куран окулду", - деп билдиришти мекемеден.