Кытайдын төрагасы Си Цзиньпин: "ШКУга мүчө мамлекеттер аймактык коопсуздукту биргеликте коргоосу зарыл"

Шанхай кызматташтык уюмуна мүчө мамлекеттер аймактык коопсуздукту камсыз кылуучу борбор түзүшү керектигин бүгүн, 13-сентябрда ШКУнун саммитинде Кытайдын төрагасы Си Цзиньпин билдирди. Айтымында, мындай борбор түзүлсө, уюмга мүчө мамлекеттер үчүн жакшы шарттар түзүлмөк. “ШКУга мүчө мамлекеттер аймактардагы коопсуздукту биргелешип коргоосу зарыл. Себеби өлкөлөрдө терроризм, экстремизм, баңгизатынын мыйзамсыз айланышы сыяктуу бир катар маселелер бар”,- деди Си Цзиньпин