Кытайдан Бишкекке дагы 78 кычкылтек концентратору сатып алынды

Тышкы иштер министрлигинин көмөгү менен Кытай Эл Республикасынан Бишкек шаарына кечээ чартердик рейс менен ар бири 10 литрден болгон 78 кычкылтек концентратору алып келинди. Маалыматты мэриянын басма сөз кызматы таратты.

Жаңы аппараттар республикалык бюджеттин эсебинен сатып алынып, аймактарга бөлүштүрүү үчүн Кыргыз Республикасынын Саламаттыкты сактоо министрлигине өткөрүп берилди.

"Буга чейин Кытай Эл Республикасынан ар бири 5 литрден болгон 1 миң 500 кычкылтек концентратору алып келинген. Мындан тышкары өткөн жумада 10 литрликтен 40 даана концентратор жеткирилген. Ушул аптада ушундай эле көлөмдөгү 350 жаңы аппарат келери күтүлүүдө. Жалпысынан Кыргыз Республикасы Кытай Эл Республикасынан 2 миң кычкылтек концентраторун сатып алды", - деп жазылат билдирүүдө.