Орловкадагы жол кырсыгы. Айдоочу кыздын ичимдик ичкени аныкталды

Кемин районуна караштуу Орловка шаарында жол кырсыгы катталып, эки айдоочу тең ооруканага жеткирилди. Бул тууралуу Чүй облустук жол кыймылынын коопсуздугун камсыздоо башкармалыгынан билдиришти.

Маалыматка ылайык жол кырсыгы кечээ, 2-август күнү саат 08:40 чамасында болгон.

"29 жаштагы кыз Тойота унаасында чыгыштан батышка карай бара жатып, Ауди А4 унаасы менен сүзүшкөн. Кырсыктын кесепетинен 2 унаанын тең айдоочулары ооруканага жеткирилген. Териштирүүдө 29 жаштагы айдоочу мас абалда болгон. Машиналар айып короосуна токтотулуп, тергөө жүрүүдө", - деп билдирди басма сөз кызматынан.