Соңку суткада коронавирус өлкөдө 7 адамдын өмүрүн алды. Жалпысынан бул илдеттен 1427 адам көз жумду

Бүгүн, 4-августка карата өлкөдө коронавирустан дагы 7 адам көз жумду. Бул тууралуу Саламаттыкты сактоо министрлигинин коомдук саламаттыкты сактоо башкармалыгынын башчысы Айнура Акматова айтты.

Айтымында, каза болгондордун ичинен:

Бишкек шаары – 3;
Ош шаары – 1;
Чүй облусу – 1;
Жалал-Абад облусу – 1;
Талас облусу – 1.

Муну менен коронавирус өлкө аймагына келгенден бери 1427 адам анын курмандыгы болду.