16 жаштагы өспүрүмдү сойкулук кылууга мажбурлады деген кыздардын соту башталды

Бүгүн, 4-августта 16 жаштагы өспүрүм кызды сойкулук кылууга мажбурлаганга шектелген кыздардын соту башталды. Бул тууралуу SUPER.KG порталына жабырлануучу кыздын эжеси билдирди.

Анын айтымында соттук отурум саат 17:00дө Ленин райондук сотунда өтөт.

Окуянын чоо-жайы:

2019-жылдын 21-ноябрь күнү Ленин РИИБине М. аттуу жаранга карата чара көрүүнү сураган арыз түшкөн. Арызда ал 2003-жылы туулган Р.Н. аттуу жашы жете элек, оорулуу сиңдисине карата күч колдонуп, каалоосуна каршы притондо 12-ноябрдан бери иштөөгө мажбурлаганы жазылган. 23-декабрь күнү арыз менен кайрылган жаран дагы арыз жазып, 2003-жылы туулган сиңдисин 12-ноябрь күнү Ысык-Көл облусунун Каракол шаарында бейтааныш 2 адам белгисиз унаага салып Бишкекке алып кеткенин айткан. Аталган фактылар Ленин РИИБинин Кылмыштардын жана жоруктардын бирдиктүү реестрине 166-берене "сойкулук кылууга тартуу" жана 170-берене "киши уурдоо" боюнча катталып, сотко чейинки өндүрүшкө алынган.