Супер-Инфо
super.kg видео
Оштогу коомдук транспортторго санитардык көзөмөл күчөтүлдү
Бүгүн, 4-августта Ош шаарында коомдук транспортторго санитардык эрежелерди сактоо боюнча рейд жүрдү. Рейдге Ош шаарынын вице-мэри Асылбек Топчубаев, жүргүнчүлөрдү ташуу агенттигинин жетекчилиги жана адистери, шаардык автоунаа муниципалдык ишканасынын жетекчиси катышты. Бул тууралуу Ош шаардык мэриясынан билдиришти.
Билдирүүгө ылайык, текшерүү иштеринин алкагында автобустардын, троллейбустардын, ошондой эле маршруттук каттамдардын санитардык эрежелери жана тазалыгы текшерилип, карантиндик нормаларды бузгандарга административдик айыптар салынып, эскертүүлөр берилди.
Эң негизгиси каттамдардын ар бириндеги антисептиктердин бардыгы, жүргүнчүлөрдүн аралык сактоосу жана бет кап кийүү тартибине көңүл бурулду.
Жүргүнчүлөрдү ташуу агенттигинин маалыматы боюнча, бүгүнкү күнгө чейин 101 айдоочуга санитардык эрежелерди сактабагандыгы үчүн чара көрүлгөн.
Текшерүү иштери уланат.
0
1 |