Коронавирус инфекциясы катталган учурдан тартып, өлкөдө 18 миң 437 медициналык кызматкер окутулду

Коронавирус инфекциясы катталган учурдан тартып Данияров атындагы Кыргыз мамлекеттик медициналык кайра даярдоо жана квалификацияны жогорулатуу институту алдын алуу, аныктоо, дарылоо жана COVID-19 алдындагы коопсуздук чаралары жана инфекциялык көзөмөл маселелери боюнча медициналык кызматкерлерди ордуна барып жана аралыктан окутуу курстарын өткөрүп жатат. Бул тууралуу бүгүнкү брифингде аталган институттун проректору Таалайбек Тургунбаев билдирди.

2020-жылдын фервраль айынан тартып 30-июлга чейин 18 миң 437 адис окуудан өткөн, алардын ичинде 10 миң 931 адис аралыктан окушкан.

Коопсуздук чаралары жана инфекциялык көзөмөл боюнча – 7506 адис окутулган. Алардын ичинен 3038 - дарыгер, 3759 - медайым, 70 - ординатор жана 639 - кенже жана башка персонал окуудан өттү.

Экспресс-тестирлөө жана ПЦР-изилдөө боюнча курстарда 403 адис окутулган. Ошондой эле "COVID-19 алдында ПЦР-диагностиканын негиздери" тездетилген программасы боюнча 50 адис окутулган.

Санитардык дарыгерлерди кайра даярдоону аралыктан окутуу курстары боюнча 68 дарыгер окутулду.

Оор мүнөздөгү COVID-19 жана ооруканадан тышкаркы пневмония алдындагы реаниматология маселелери боюнча 66 дарыгер окутулган.