Орусиядан 2 жарым миң Кыргыз жараны автобус менен мекенине келе жатат

Орусиянын Оренбург облусундагы 2 жарым миңдей Кыргыз жараны Казакстан аркылуу мекенине кайтып келе жатышат.

Бул тууралуу Кыргыз өлкөсүнүн Тышкы иштер министрлигинен кабарлашты.

Маалыматка ылайык, 1101 адам отурган 20 автобус 4-августта жолго чыккан. Ал эми 5-августта дагы 23 автобус менен 1356 жаран жолго чыкты.

"Коронавирус эпидемиясына байланыштуу чек аралар жабылып, өлкөлөр ортосунда каттамдын бардык түрү токтогон. Өкмөт аралык сүйлөшүүлөрдүн негизинде учактар үчүн чартердик каттамдар гана уюштурулуп, Орусиядагы мигранттардын айрымдары Казакстан аркылуу автобус менен келе жатышат", - деп айтылат маалыматта.

Ал эми Кыргыз өлкөсүнүн Орусиядагы элчилиги туруктуу авиакаттамдар ачыла электигин, Орус-Казак чек арасы жабык турганын белгилеп, мигранттарды чыдамдуу болууга, Казакстан менен чек арага барбоосун суранып жатат.