Тарых музейи боюнча соттук иш: Сапар Исаков соттон жактоочусу менен кезиктирүүнү суранды

Бишкек шаардык соту Тарых музейин оңдоо жана Чолпон-Атадагы ат майданды жаңылоо боюнча кылмыш ишин кароону улантууда. Ишти Бишкек шаардык соту Исаковдун жактоочусунун даттанган арызынын негизинде карап жатат.

Бүгүн, 6-июлда процесс онлайн режиминде өтүп, экс-премьер-министр сотко онлайн түрүндө абактан видео байланыш аркылуу катышты. Бирок ооруга байланыштуу анын адвокаты Бакытбек Автандил уулу сот отурумуна катышкан жок.

Сапар Исаков сот кесиптешинен жактоочусун аны менен колонияда жолугушуусуна уруксат берүүсүн өтүндү.

"Менин бирден-бир өтүнүчүм жактоочуларымдын мага келип, ишти талкуулоосуна уруксат берүү. Алар менен кеңешүү керек", - деди мурдагы премьер-министр.

Соттор белгилегендей, эч ким жактоочуларды өздөрү жактап жаткан адамдарына жолугуусуна тыюу салбайт. Балким, алар коронавируска байланыштуу кырдаалдан улам жолуга албай калышы мүмкүн. Аны колония жетекчилиги чечет.

Ал эми кечээ, 5-августта жактоочулар СИЗОдогу өздөрү коргоп жаткан айыпталуучуларга кирип, жолуга албай жатышканын жактоочу Замир Жоошев SUPER.KG порталына билдирген.

Эске салсак 9-июнда Бишкектеги Биринчи Май райондук сотунда Тарых музейин оңдоп-түзөө жана Чолпон-Атадагы ат майданды жаңылоо боюнча сот чечим чыгарган. Анда "коррупция" беренеси боюнча айыпталып жаткан мурдагы өкмөт башчы Сапар Исаков 18 жылга эркинен ажыратылган.

Мындан тышкары ага мамлекетке 247 миллион 650 миң 281 сом өлчөмүндөгү каражат төлөп берүүсү милдеттендирилген.

Окуянын чоо-жайы:

Башкы прокуратуранын маалыматы боюнча, Тарых музейин оӊдоодо 101 миллион 600 миң сом, ат майданды оӊдоодо 145 миллион 900 миң сом зыян келтирилгени аныкталган. Бул эки кылмыш иши бир өндүрүшкө бириктирилип, алар боюнча курулушка тиешеси бар 6 аткаминерге айып тагылган.

Алар: