Баткенде бир ай ичинде 90 орундуу оорукананын имаратын бүткөрүү аракеттери көрүлүүдө

Өкмөттүн Баткен облусундагы ыйгарым укуктуу өкүлүнүн биринчи орун басары Жаркынбек Максутов капиталдык оңдоп-түзөөдөн өтүп жаткан жугуштуу оорулар ооруканасынын имаратынан кабар алды. Бул тууралуу SUPER.KG порталына облустук администрациядан билдиришти.

Билдирүүгө ылайык, Жаркынбек Максутов курулушчуларга оорукананын курулушун убагында бүткөрүү менен анын сапатына өзгөчө көңүл бурууну тапшырды.

Баткен шаарында мурдагы облустук үй-бүлөлүк дарыгерлер борборунун имаратын капиталдык оңдоп-түзөөдөн өткөрүп, жугуштуу оорулар ооруканасына ыңгайлаштыруу иштери кызуу жүрүп жатат. Оорукана 90 орунга ылайыкташат.

Имаратты оңдоп-түзөөгө мамлекет тарабынан 12 миллион сомдон ашык каражат бөлүнгөн. Курулуш иштерин бир айлык мөөнөттө аяктоо пландаштырылган. Учурда 35 жумушчу иштеп жатат.