Балдарды мектепке даярдоо класстарында окутуу салттуу түрдө өткөрүлөт

Балдарды мектепке даярдоо класстарында окутуу салттуу түрдө өткөрүлүшү мүмкүн.

Бул тууралуу Билим берүү жана илим министрлигинин басма сөз кызматынан кабарлады.

Маалыматка ылайык, менчигинин түрүнө, тибине карабастан балдарды мектепке даярдоо класстары салттуу түрдѳ да, дистанттык окутуу тартибинде да ѳткѳрүлүшү мүмкүн.

"Аймактардагы эпидемиологиялык кырдаалга карап, балдардын жана мугалимдердин ден соолугуна, ѳмүрүнѳ коркунуч келтирбеген шартта, аймактык Санитардык-эпидемиологиялык кѳзѳмѳлдѳѳ борборлорунун корутундусу менен мектептин ийкемдүү жүгүртмөсүнө ылайык, балдарды мектепке даярдоо класстарында окутуу салттуу түрдѳ ѳткѳрүлүшү мүмкүн.

Аймактардагы эпидемиологиялык кырдаалга карап, "Наристе" балдарды мектепке даярдоо программасынын негизинде даярдалып жаткан видео сабактарды көрүү жана кайтарым байланыш уюштуруу аркылуу дистанттык окутуу жүргүзүлүшү мүмкүн", - деп айтылат мекеменин маалыматында.