Көптөн күткөн Чемпиондор Лигасы кайтып келди. Бүгүн түндө турнирдин 1/8 финалындагы жооптук оюндары болот

Бүгүн, 7-августтан 8-августка караган түнү футбол сүйүүчүлөрү көптөн бери күтүп келген, Европадагы ири мелдештердин бири болгон Чемпиондор Лигасынын 1/8 финалындагы жооптук оюндары өтөт. Оюндар 8-августка караган түнү саат 01:00дө башталат.

Оюндардын тизмеси:

"Ювентус" (Италия) - "Лион" (Франция), "Альянц" стадиону (Турин шаары, Италия).

Башкы калыс: Феликс Цвайер (Германия).

Бул эки команданын алгачкы оюну 26-февралда Лион шаарындагы "Льюмер" стадионунда болуп, 1:0 эсебинде "Лион" командасынын жеңиши менен аяктаган.

"Манчестер Сити" (Англия) - "Реал Мадрид" (Испания), "Этихад" стадиону (Манчестер шаары, Англия).

Башкы калыс: Феликс Брых (Германия).

Бул эки команданын алгачкы оюну 26-февралда Мадрид шаарындагы "Сантьяго Бернабеу" стадионунда болуп, 1:2 эсебинде англиялык клубдун жеңиши менен аяктаган.

Коронавирус пандемиясынан улам оюндар көрүүчүлөрсүз өтөт.