Бүгүн түндө Чемпиондор Лигасынын 1/8 финалынын акыркы жооптук беттештери орун алат

Бүгүн, 8-августтан 9-августка караган түнү Европадагы беделдүү мелдештердин бири болгон Чемпиондор Лигасынын 1/8 финалындагы акыркы жооптук оюндары өтөт. Оюндар 9-августка караган түнү саат 01:00дө башталат.

Оюндардын тизмеси:

"Барселона" (Испания) - "Наполи" (Италия), "Камп Ноу" стадиону (Барселона шаары, Испания).

Башкы калыс: Жюнейт Чакыр (Түркия).

Бул эки команданын алгачкы оюну 25-февралда Неаполь шаарындагы "Сан-Паоло" стадионунда болуп, (1:1) эсебинде тең чыгуу менен аяктаган.

"Бавария" (Германия) - "Челси" (Англия), "Альянц Арена" стадиону (Мюнхен шаары, Германия).

Башкы калыс: Овидиу Хацеган (Румыния).

Бул эки команданын алгачкы оюну 25-февралда Лондон шаарындагы "Стэмфорд Бридж" стадионунда болуп, (3:0) эсебинде германиялык клубдун жеңиши менен аяктаган.

Коронавирус пандемиясынан улам оюндар көрүүчүлөрсүз өтөт.