Бишкекте өзбекстандык журналист кармалды

Кечээ, 9-августта Кыргыз өлкөсүнүн Улуттук коопсуздук боюнча мамлекеттик комитети өзбекстандык журналист Бобомурод Абдуллаевди Бишкектеги кафелердин биринен кармады.

Бул тууралуу маалымат булактары журналисттин жактоочусу Тимура Карабаевге шилтеме берип жазып жатышат.

Жактоочунуну маалыматына ылайык, коңшу мамлекеттин жараны өзбек бийлигинин өтүнүчү боюнча кармалган.

Бобомурод Абдуллаев Кыргыз өлкөсүнө Борбордук Азиядагы Америка университетинин чакыруусу менен төрт айлык окуудан өтүү үчүн келген. Ал окууну аяктагандан кийин, коронавирус пандемиясына байланыштуу мамлекеттик чек аралар жабылгандыктан, өлкөсүнө уча албай калган.

Жактоочунун айтымында, бүгүн 10-августта Бишкектин Биринчи Май райондук сотунда журналисттин кармалышынын мыйзамдуулугу каралат.

Бобомурод Абдуллаев "Өзбекстандагы конституциялык түзүмдү өзгөртүүгө чакырган макалаларды жарыялаган" деген шек менен 2017-жылы 27-сентябрда Ташкентте атайын кызмат тарабынан кармалган. 2018-жылы май айында сот аны шарттуу түрдө бир жарым жылга кесип, сот залынан бошоткон.