УКМК өзбекстандык журналисттин Бишкектен кармалгандыгы боюнча маалымат берди

Улуттук коопсуздук боюнча мамлекеттик комитети бүгүн, 10-августта өзбекстандык журналист Бобомурод Абдуллаевдин кармалышы тууралуу маалымат таратты.

Маалыматка ылайык, Абдуллаев Өзбекстан Республикасынын укук коргоо органдары тарабынан бир катар кылмыштарды жасагандыгы үчүн издөөдө жүргөн.

"2020-жылдын 8-августунда Кыргыз өлкөсүнүн Улуттук коопсуздук боюнча мамлекеттик комитетине 1993-жылдагы үй-бүлөлүк жана кылмыш иши боюнча укуктук жардам жана укуктук мамилелер тууралуу Минск Конвенциясынын алкагында, Өзбекстан Республикасынын укук коргоо органдары тарабынан бир катар кылмыштарды жасагандыгы үчүн издөөдө жүргөн, 1973-жылы туулган А.Б. аттуу жаран кармалды. Азыркы тапта кармалган адам УКМКнын тергөө камак жайына киргизилген.

Учурда Кыргыз Республикасынын Башкы прокуратурасы ага карата баш коргоо чарасын тандоо жана Өзбекстан Республикасынын компетенттүү органдарына өткөрүп берүү маселелерин карап жатат", - деп айтылат маалыматта.