Орусияда коронавирустан каза болгон адамдардын саны 15 миңден ашты

Орусиянын 83 аймагынан акыркы бир сутка ичинде 5 миң 118 адамдан коронавирус инфекциясы аныкталды. 70 адам каза болсо, 3 миң 259 бейтап айыгып чыкты. Бул тууралуу аталган өлкөнүн басылмалары жазышууда.

Маалыматка ылайык, сутка ичинде коронавирус инфекциясы аныкталган адамдардын ичинен:

Москва шаарында - 694 (айыккандар 898);

Свердлов облусунда - 179 (айыккандар 80);

Санкт-Петербурга шаарында - 157 (айыккандар 45);

Москва облусунда - 153 (айыккандар 169) адам жана калгандары башка аймактардан.

Бул көрсөткүч менен Орусиянын 85 аймагынан жалпы 892 миң 564 адамдан коронавирус аныкталды. 15 миң 1 адам каза болсо, 696 миң 681 бейтап айыгып чыкты.