Антарктидадан табышмактуу кеме табылды

Интернет колдонуучулары "Google" спутниктик картасынан Антарктидадан узундугу 122 метр болгон табышмактуу кемени табышты. Белгисиз кеме Антарктиданын жээгинен 160 чакырым алыстыкта жайгашкандыгын чет элдик басылмалар жазып чыгышты.

Бул видео интернетке чыгары менен миңдеген киши көргөн. Интернет колдонуучулары кеменин келип чыгышы жөнүндө кызуу талкуулай башташты. Көпчүлүк колдонуучулар бул кеме экинчи дүйнөлүк согуш учурунда базаны таштап кеткен кеме болушу мүмкүн экендигин жазышууда.