Бишкек шаарындагы коомдук транспортторго санитардык эрежелерди сактабагандыгы үчүн жалпы 370 миң 500 сом айып салынды

2020-жылдын 1-июнунан бери санитардык эрежелерди сактабагандыгы үчүн Бишкек шаарындагы коомдук транспортторго жалпы 370 миң 500 сом айып пул салынды. Бул тууралуу мэриянын басма сөз кызматынан билдиришти.

"Бишкек троллейбус башкармалыгынын жана автобус токтотуу ишканасынын адистери мамлекеттик санитардык-эпидемиологиялык көзөмөл борборунун кызматкерлери, Транспорт жана жол министрлигине караштуу транспорт инспекциясы менен биргеликте күн сайын коомдук транспорттун ичтерин текшерүү иштерин жүргүзүүдө.

Унаалардын ичинде санитайзерлер коюлуп, санитардык тазалык жана аралык сакталышы керек. Чектөө киргизилгенден бери, 1-июндан тартып 2 миң 632 маршрут, автобус жана троллейбус текшерилди. Анын ичинен 217 унаага санитардык талаптарды сактабагандыгы үчүн 370 миң 500 сом айып пул салынды", - деп билдиришти мэриядан.