1-октябрдан тартып пенсиялардын орточо көлөмү 4554 сомду түзөт

1-октябрдан тартып пенсиялардын орточо көлөмү 4554 сомду түзөрүн бүгүн, 16-сентябрда маалымат жыйынында Социалдык фонддун төрагасы Мухаммедкалый Абылгазиев билдирди. Айтымында, 1-октябрдан баштап пенсиянын көлөмү 10 пайызга жогорулайт. “Пенсияны жогорулатуу үчүн 806,9 миллион сом керек. Ал эми тиричилик минимумунан төмөн суммадагы акча алып келгендердин пенсиясы 3 пайызга жогорулап, ал 334 000 адамга берилет”,- деди ал.