Орусиянын коронавируска каршы вакцинасынын экспорттук баасы айтылды

Орусиянын коронавируска каршы вакцинасынын экспорттук баасы 2 дозасы 10 доллардан (778 сомдун айланасы) кем болбой тургандыгы айтылды. Бул тууралуу "Р-Фарм" компаниясынын директору Алексей Репик билдиргенин орусиялык басылмалар жазып чыгышты.

"Вакцинанын экспорттук баасы 2 дозасы 10 доллардан кем болбойт", - деген компаниянын директору.

Ошондой эле жакын арада вакцинанын чыга турган биринчи партиясы кымбат болорун, ал эми препарат көбүрөөк чыга баштаган сайын улам баасы да төмөндөй берерин кошумчалаган.

Орусия 11-августта коронавируска каршы вакцинаны дүйнө жүзүндө биринчилерден болуп каттоодон өткөргөн. Ага "Спутник V" деген аталышы берилген. Препарат Н.Ф.Гамалеи атындагы Улуттук эпидемиологиялык жана микробиология изилдөө борборунда иштелип чыккан.