Чоң Чүй каналына чөгүп кеткен 5 жаштагы баланы издөө иштери үч күндөн бери уланууда

Бишкек шаарындагы Чоң Чүй каналына түшүп кеткен 5 жаштагы баланы издөө иштери улантылууда. Бул тууралуу Өзгөчө кырдаалдар министрлигинин басма сөз кызматынан билдиришти.

"10-август күнү Патрис Лумумба көчөсүндөгү Чоң Чүй каналына 2015-жылы төрөлгөн бала чөгүп кеткен. Бүгүн, 13-августта издөө иштерин улантуу максатында саат 06:45те жалпы 26 куткаруучу тартылган. Кошумча маалымат берилет", - деп билдиришти министрликтен.

5 жаштагы бала тапичкесин алам деп сууга чөгүп кеткени белгилүү болду.