Супер-Инфо
super.kg видео
Өзгөн районунда заманбап төрөт үйүнүн курулушу аяктоодо
Президент Сооронбай Жээнбеков бүгүн, 13-августта Өзгөн районундагы аймактык ооруканасынын төрөт бөлүмдүк имаратынын курулуш ишинин жүрүшү менен таанышты.
Белгилей кетсек, аталган төрөт үйү 1965-жылы 60 орунга ылайыкташып курулган. Пайдаланууга берилген учурдан тартып имаратка капиталдык оңдоп-түзөө иштери жүргүзүлгөн эмес.
Жаңы имарат куруу зарылдыгы тууралуу маселе бир нече ирет көтөрүлгөн. Бирок каржылоонун жоктугунан маселе чечилбей келген.
Маселени чечүү үчүн кувейттик "Ас-Сафа" кайрымдуулук фондунун өкүлдөрү менен сүйлөшүүлөр жүргүзүлүп, 2019-жылдын декабрында төрөт бөлүмүнүн жаңы имаратын салуу башталган.
Азыркы учурда курулуш иштеринин көпчүлүк бөлүгү жыйынтыкталды, күзүндө пайдаланууга тапшыруу күтүлүүдө.
Бөлүмдүн жаңы имараты заманбап медициналык жабдуулар менен жабдылат.
Президент Сооронбай Жээнбеков заманбап талаптар менен жабдылган ооруканалардын болушу - бул баарынан мурда айыл тургундарынын саламаттыгына кам көрүү экендигин канааттануу менен белгиледи.
0