Эртең өлкө аймагында күн ачык болот. 15-августка карата аба ырайы

Эртең 15-августта өлкө аймактарында жаан-чачын күтүлбөйт. Бул тууралуу Кыргызгидрометтен билдиришти.

Абанын температурасы:

Чүй облусунда түнкүсүн +12…+17, күндүз +29…+34;

Таласта түнкүсүн +10…+15, күндүз +28…+33;

Ош, Жалал-Абад, Баткен облустарында түнкүсүн +15…+20, күндүз +30…+35;

Ысык-Көл облусунда түнкүсүн +8…+13, күндүз +21…+26;

Нарында түнкүсүн +7…+12, күндүз +21…+26.

Бишкек шаарында 15-августта жаан жаабайт. Батыш тараптан келген шамалдын ылдамдыгы секундасына 4-9 метрге чейин жетет.

Абанын температурасы түнкүсүн +15…+17, күндүз +31…+33.