Түркияда IV Дүйнөлүк Көчмөндөр Оюндарына даярдыктар башталды

Кыргыз өлкөсүнүн Түркиядагы элчилиги маалымдагандай, 12-августта Түркиянын Бурса провинциясынын Изник ​​шаарында 2021-жылы өткөрүлө турган IV Дүйнөлүк Көчмөндөр Оюндарынын уюштуруучулук аспектилери боюнча Жаштар жана спорт дирекциясы менен салттуу спорт федерациясы ортосунда протоколго кол коюлган.

Ошентип 2021-жылдагы масштабдуу жана көрүнүктүү эл аралык иш-чаралардын бирине даярдык башталды.

Документке Түркиянын спорт жана жаштар министри, Түркиянын маданият жана туризм министринин орун басары, Бурса провинциясынын губернатору жана Бурса шаарынын мэри кол койгон.

"Түркия тарап оюндарга даярдыктар жөнүндө маалымдап, Кыргыз Республикасы орноткон салттар сакталат деп ишендирди. Буга көчмөндөр оюндарынын өткөрүлүүчү жайынын символикасы далил болот: Изник ​​шаарынын аймагында шаарды басып алуу үчүн болгон салгылашта курман болгон кыргыз аскерлеринин эстелиги орнотулган. Мындан тышкары кыргыз тарап салтка ылайык, оюндарды Изник ​​көлүнүн жээгинде өткөрүү пландаштырылууда", - деп жазылат маалыматта.