Мамлекеттик тилди өнүктүрүүгө багытталган 18 аталыштагы китеп басылып чыкты

Мамлекеттик тилди өнүктүрүүгө багытталган 18 аталыштагы китеп басылып чыкты. Бул тууралуу Билим берүү жана илим министрлигинин басма сөз кызматынан маалымдашты.

Билим берүү жана илим министрлиги мамлекеттик тилди өнүктүрүү жана тил саясатын өркүндөтүү боюнча улуттук программанын алкагында 18 аталыштагы китепти басып чыгарды.

8 миң 409 нускада басылып чыккан китептин 7 аталыштагысы ден соолугунун мүмкүнчүлүгү чектелген балдар үчүн, 1 китеп мектепке, калган 10 аталыштагы китеп орто жана жогорку кесиптик билим берүүгө багытталган.

Китептердин кол жазмаларын кабыл алууда кесиптик окуу жайлардын жана Билим берүү академиясынын, Окумуштуулар кеңешинин чечимдери эске алынды.

Китептер тиешелүү окуу жайларда бөлүштүрүлүп, азыркы тапта аймактарга жеткирилүүдө.