215 шайлоо участкасы, 289 миң 518 шайлоочу бар. Баткен облусу шайлоого кызуу даярданууда

Баткен облусунда 215 шайлоо участкасы, 289 миң 518 шайлоочу бар.

Бул тууралуу өкмөттүн Баткен облусундагы ыйгарым укуктуу өкүлүнүн басма сөз кызматы кабарлады.

Маалыматка ылайык, Баткен облусунун аймагында Кыргыз өлкөсүнүн Жогорку Кеңештин депутаттарын шайлоого карата даярдык иштери кызуу жүрүүдө.

"Өкүлдүн буйругуна ылайык түзүлгөн облустук штаб, жер жерлерде уюштуруу-техникалык маселелерди чечүүнүн үстүндө иш алып барууда. Жарандардын шайлоо укуктарын камсыз кылуу, коомдук тартипти сактоо, пандемияга байланыштуу жарандардын саламаттыгы үчүн санитардык-эпидемиологиялык коопсуздукту камсыз кылуу, жарандардан келген кайрылууларды өз убагында кароо, шайлоо участкаларында тынымсыз дезинфекциялоо жумуштарын жүргүзүү боюнча тийиштүү жетекчилерге тапшырмалар берилди", - деп билдирди маалымат кызматынын өкүлү.