Рональд Куман "Барселона" клубунун башкы машыктыруучусу болуп дайындалды

Нидерланды улуттук курамасынын башкы машыктыруучусу, 57 жаштагы Рональд Куман каталондук "Барселона" футболдук клубунун башкы машыктыруучусу болуп дайындалды. Бул тууралуу чет элдик басылмалар жазып чыгышты.

2019-жылдын күзүндө, Рональд Куман Нидерланды улуттук курамасы менен түзгөн келишиминде, эгерде ал "Барселонадан" сунуш алса, футбол боюнча Европа чемпиондугунан ("Евро-2020") кийин кызматтан кетүүгө уруксат берген пункт бар экендиги белгилүү болду.

Рональд Куман өзүнүн футболдук карьерасында "Барселона" клубунда 1989-1995-жылдары ойноп кеткен. Ал эми 2000-жылы Куман каталондук клубдун машыктыруучулук штабында иштеген.

Буга чейин испаниялык клубду жетектеп келген Кике Сетьен Чемпиондор Лигасынын чейрек финалында "Бавария" клубуна ири эсепте жеңилгенден кийин кызматынан алынган.