Орусия Сирияда калган наристелерин алып келүүдө

Орусия пандемия учурундагы тыныгуудан соң Сирияда калган жарандарын алып келүүнү улантууда. Бул тууралуу Орусия президентинин алдындагы балдардын укугу кызматынын ыйгарым укуктуу өкүлү Анна Кузнецованын билдиргенине таянып жергиликтүү басылмалар жазып чыгышты.

Ага ылайык, 18-август күнү Сириядан 26 бала мекенине кайтып келет. Мекеменин басма сөз кызматынын маалыматына караганда, балдар буга чейин Дамасктагы наристелер үйүндө кармалып турушкан.

"Алар Коргоо министрлигинин учагы менен алып келинет. Мурдараак өкмөт тарабынан Сириядан 122 баланы алып келүү пландалып жатканы кабарланган. Ал үчүн дагы төрт жолу Сирияга каттам болот. Орусия бир нече жыл согуш болгон Сирия менен Ирактан буга чейин 156 баланы мекенине кайтарган", - деп айтылат маалыматта.