Шайлоо-2020: Парламенттик шайлоого баруудан баш тарткан партиялардын тизмеси

2020-жылдын 4-октябрында өтө турган Жогорку Кеңештин депутаттарын шайлоого катышууга 44 партиянын тизмеси БШКга берилген. Бүгүнкү күнгө карата алардын ичинен 8 партия шайлоого барбай тургандыгы жөнүндө кабарлама беришкенин Борбордук шайлоо комиссиясынан билдиришти.

Алардын тизмеси:

1. "Кыргыз Республикасынын Агрардык партиясы" ,
2. "Демократ",
3. "Кыргызстандын коммунисттер партиясы,
4. "Жаратман Эл",
5. "Эмгек" (Партия труда),
6. "Бирик", "Народно-демократическая партия Кыргызстана",
7. "Бийлик элге" («Власть народу»)
8. "Кыргызстандын Элдик демократиялык партиясы"

Мындан тышкары бүгүн, 19-августта "Ар Намыс" партиясы дагы шайлоого катышпай турганын, анын лидери Феликс Кулов билдирген.

Маалым болгондой, 8-июлда партиялардан кабарлама кабыл алуу токтотулган. Конституциялык мыйзамдын 60-беренесинин 1, 2-бөлүктөрүнө ылайык, Жогорку Кеңештин депутаттыгына талапкерлердин тизмесин көрсөтүү шайлоо дайындалган күндөн тартып башталат жана шайлоо күнүнө чейин 45 календардык күн калганда, тагыраагы 2020-жылдын 20-августунда аяктайт. Ал эми 4-сентябрдан баштап үгүт иштери башталат.