Дүйнөлүк саламаттыкты сактоо уюму Кыргыз өлкөсүнө 100 кычкылтек концентраторун берди

Дүйнөлүк саламаттыкты сактоо уюму Кыргыз өлкөсүнө 100 кычкылтек концентраторун берди. Бул тууралуу саламаттыкты сактоо министрлигинин басма сөз кызматынан билдиришти.

Маалыматта көрсөтүлгөн жардамдын жалпы суммасы 59 миң долларды түзгөнү айтылат.

"Кычкылтек концентраторлору респиратордук жугуштуу ооруларды дарылоодо чоң мааниге ээ. Алар COVID-19 илдети менен ооруган оор абалдагы бейтаптарды таза, жогорку сапаттагы жана тиешелүү концентрациядагы кычкылтек менен камсыз кылууга мүмкүндүк берет. Саламаттыкты сактоо министрлиги кычкылтек концентраторлорун өлкөдөгү ооруканаларга бөлүштүрүүнү пландаштырууда", - деп айтылат маалыматта.

Буга чейин Дүйнөлүк саламаттыкты сактоо уюму Кыргыз өлкөсүнө жеке коргонуучу каражаттарды, ПЦР-тест үчүн топтомдорду берген.