Сутка ичинде 14 медицина кызматкери коронавирус жуктуруп алгандыгы аныкталды

Акыркы бир сутка ичинде өлкөдө дагы 14 медицина кызматкери коронавирус инфекциясын жуктуруп алганы аныкталды. Маалыматты Саламаттыкты сактоо министрлигинин орун басары Нурболот Үсөнбаев брифингде айтты.

Бишкек шаарында – 3;
Чүй облусуда – 1;
Ош шаарында – 1;
Баткен облусунда – 6;
Жалал-Абад облусунда – 3.

Ал эми бир суткада 2 медицина кызматкери ооруканалардан айыгып чыгарылды. Мындан сырткары үй карантининен 7 медкызматкери айыгып чыгарылды.

Жалпысынан республика боюнча COVID-19 диагнозу менен медицина кызматкерлери арасында – 3 миң 59 учур катталды, алардын ичинен 2 миң 372 медкызматкер айыгып чыкты.