Мамлекет башчы Кореянын президентине ири суу ташкынынан адамдардын каза болгондугуна байланыштуу көңүл айтты

Президент Сооронбай Жээнбеков Кореянын президенти Мун Чжэ Инге ири суу ташкынынан көптөгөн адамдардын каза болгондугуна байланыштуу көңүл айтты.

"Кореяда көптөгөн адамдардын өмүрүн алып, кыйроого учураткан ири суу ташкыны болгондугу тууралуу кабарды терең кайгыруу менен кабыл алдым.

Кыргыз элинин жана жеке өзүмдүн атымдан жакындарын жоготкондорго терең кайгыруу менен көңүл айтам жана бардык жабыр тарткандардын тез сакайып кетишин каалайм", - деп белгиленет көңүл айтуу телеграммасында.