Ошто "7 жашар баламдын буттарына чок басып, күйгүзүп кыйнаган" деп арызданган аялдын иши өндүрүштөн кыскартылды

Ош шаарында милиция кызматкерине ХБК кичи районунун жашоочусу "7 жашар баламды 17 жаштагы бала оозун скочтоп таңып, буттарын күйгүзүп, чок басып кыйнаган" деп арыз менен кайрылган.

Бул факты каттоого алынып, 7 жашар балага карата соттук-медициналык экспертиза дайындалган. Маалыматты Ош ШИИБинин басма сөз кызматы тастыктап, буларды билдирди.

"Экспертизанын жыйынтыгында жабырлануучунун айткан фактылары далилденген эмес. Натыйжада тергөөчү ишти өндүрүштөн кыскарткан", - деп билдирди басма сөз кызматынан.