Телесабактарга тартылып жаткан мугалимдерге кезектеги окутуу өткөрүлдү

Билим берүү жана илим министрлиги телесабактарга тартылып жаткан мугалимдерге кезектеги семинар-тренингин өткөрдү. Бул туралуу Билим берүү жана илим министрлигинин басма сөз кызматынан кабарлашты.

Бул жолу окутуу аралыктан билим берүү боюнча координаторлор тарабынан тарых, адам жана коом, математика сабагынын мугалимдерине уюштурулду.

Катышуучуларга сапаттуу видеосабакты даярдоо, тартуу тууралуу усулдук сунуштар, кеңештер берилди. Ар бир мугалим талкууга жандуу катышып, кызыккан суроолоруна жооп алды. Буга чейин тартылып даярдалган сабактар көрсөтүлүп, анализ жүргүзүлдү.

Телесабактарга тандалып алынган 260дан ашуун мугалим тартылып жатат. "Санарип мугалим" бир айлыгынын алкагында аларга семинар-тренингдер үзгүлтүксүз өткөрүлүүдө. Буга чейин география, кыргыз тил мугалимдери окутуудан өттү.