Мугалимдердин август конференциясы өткөрүлөт

24-августта, мугалимдердин жана шаардык жалпы билим берүү уюмдарынын жетекчилеринин катышуусунда "Билим берүүнү санариптештирүү-өлкөнүн өнүгүүсүнүн жаңы этаптары" конференциясы өткөрүлөт. Бул тууралуу Бишкек шаардык мэриясынын маалымат кызматынан кабарлады.

Маалыматка ылайык, бул жылы COVID-19 өзүнүн өзгөчөлүктөрүн киргизип, мугалимдердин салттуу жолугушуусу онлайн режиминде өткөрүлөт.

"Биз мугалимдер менен билим берүү процессинин жаңы формасын уюштурууну жана сапаттуу билим берүүнү, ошондой эле 2019-2020-жылдардын жыйынтыктарын талкуулайбыз. Конференцияны мэриянын Билим берүү башкармалыгынын башчысы Эльмира Иманалиева алып барат. Конференциянын программасы менен бул жактан таанышсаңыздар болот", - деп айтылат маалыматта.