Бишкектеги ден соолугунун мүмкүнчүлүгү чектелген балдарга жана карыялар үйүнө 1 тонна ун тапшырылды

Бишкек шаарындагы "АРДИ" ден соолугунун мүмкүнчүлүгү чектелген балдарга жана карыялар үйүнө аны менен катар жардамга муктаж болгон үй-бүлөлөргө 1 тонна ун Кыргыз өлкөсүнүн Мусулмандарынын азирети Муфтийи Максатбек ажы Токтомушевдин демилгеси менен таратылды. Бул тууралуу Муфтияттын басма сөз кызматынан билдиришти.

"Бишкек шаардык улгайган жана ден соолугунун мүмкүнчүлүгү чектелген жарандар үчүн жалпы типтеги социалдык стационардык мекемесине (карыялар үйүнө) жана жардамга муктаж үй-бүлөлөргө 1 тонна ун тапшырылды. Саамалыкка Муфтияттын өкүлү Султан ажы Момунов катышып, Кыргыз өлкөсүнүн мусулмандарынын Дин башкармалыгы мындан ары дагы бул мекемелер менен кызматташуусун уланта бере тургандыгын билдирди", - деген Муфтияттын басма сөз кызматынан.